Pequenos eumeses

UN ESTUPENDO DESFILE.

2012-02-17T23:29:00.003+01:00

Hoxe foi o día que esperabamos: pitufos, Peter Pans, super heroes, panteiras rosas, heidies e picapedras amosamos todo o noso traballo para abrir o entroido. Desfrutamos moito e polo menos os Pitufos estabamos preciosos, non si?. Esperamos que vos divertírades coas nosas comparsas e que unha vez inauguradas estas festas, sigades a desfrutalas. Grazas pola vosa colaboración familias e... bo entroido!!.

MANOLO E MAIS NOS... GUAPÍÍÍSIMOS!!

2012-02-16T23:45:00.002+01:00

Hoxe chegamos ao cole guapísimos e... tamén Manolo estaba estupendo. Rimos moito ao vernos... como "nenos e nenas" e despedímonos de Manolo ata o entroido que ven. Mirade que guapos estamos. Ah! E como manda a tradición tamén degustamos os saborosísimos doces de entroido que nos enviastes e mañá, logo do desfile, seguiremos a repoñer forzas. Grazas familias pola vosa colaboración.

4º E ÚLTIMO MANDADIÑO!!!!!

2012-02-15T13:05:00.003+01:00

Os mandadiños chegan ao seu fin!!!! Nestas fotiños tedes o cuarto e último mandadiño!!!! Que guapos e guapas imos estar!!!

O TERCEIRO MANDADIÑO!!!!

2012-02-14T13:09:00.003+01:00

Este Manolo ten cada cousa... Mirade que temos que traer mañá nestas fotiños!!!!

MANOLO...QUE TEMOS QUE TRAER O MARTES???

2012-02-13T12:20:00.003+01:00

Hoxe pola mañá, Manolo apareceu cunha nova consigna para mañá!!! Mirade as fotiños para descubrila!!!

A COPA DO MUNDO (INCISO AO ENTROIDO)

2012-02-12T00:13:00.003+01:00

Xa choveu (aínda que non moito) desde 11 de xullo de 2010 cando Iker Casillas, capitán de "La roja", ergueu a copa do mundo de fútbol en Suráfrica. Pero é que o trofeo seguimos podendo disfrutalo polos concellos de España. Neste caso a proba está en que Sabela, desde o concello de Miño, nos quixo achegar un pouquiño este premio aos que non o disfrutamos en vivo. Grazas Sabela porque ademais... nestes días é cando máis fachendosos debemos sentirnos de todo o deporte español en xeral.

O PRIMEIRO MANDADIÑO DO ESQUELETE MANOLO

2012-02-10T12:12:00.004+01:00

O Entroido está a piques de chegar e para animar a festa o esquelete Manolo xa empezou a facer das súas!!! Se queredes saber que toca traer o luns mirade estas fotiños!!!!

O FERMOSO DO CONTACONTOS: A MIRADA DOS NENOS!

2012-02-08T23:18:00.004+01:00

Onte peixiños, golfiños, gatiños e gaivotas desfrutamos de Patri e Alex: os contacontos da editorial Kalandraka. A familia C, O mago goma e Pancho foron tres historias que, acompañadas de cantos e instrumentos (megáfono, acordeón, pitos, frautín e pandeireta) nos fixeron rir pero tamén... emocionarnos. Mirádenos e relaxádevos coma nos. Grazas amigos! porque... nos gustades tanto que aínda lembramos o... "Xirafa e crocodilo" do pasado ano.

AINOA: UNHA VALENTE!

2012-02-08T22:57:00.002+01:00

Parabéns Ainoa!, por ser tan valente. O luns fuches facer unha analise de sangue e xa a semana pasada estabas un pouco inqueda, pero como nos contaches... non foi nada!: "Me pusieron una goma, mamá me agarró el brazo y llenaron un tubito como este". Védenos aquí con que interese examinamos este tubo de mostras.

SALTABOTA A GAIVOTA

2012-02-08T22:24:00.002+01:00

Hai uns días na fiestra das gaivotas recibimos unha visita especial. Desde que tiñamos tres anos a nosa mascota é unha gaivota á que bautizamos como Saltabota pero... nunca nos visitara ata este día no que quedamos abradiados pero moi quietiños para non asustala. Védenos e védea nestas fotos, moi pendiente do tesouro que atopou.

O DÍA DA PAZ

2012-01-30T13:01:00.004+01:00

Hoxe conmemoramos no cole o Día da Paz. Todos os nenos e nenas cos nosos profes fixemos dous círculos e ao son da cantiga "A muralla" cantamos pola paz. Os maiores tamén tocaron e recitaron unha poesía. Para rematar a festa botamos a voar as pombas da paz e bailamos a cantiga deste ano acompañados das nosas familias.

Moitas grazas por seguir colaborando nestas actividades!

A GAIVOTA MAIS MAIOR

2012-01-26T23:31:00.003+01:00

As gaivotiñas demos hoxe os nosos parabens a nosa compañeira Celia, cumpríu 6 aniños e convidounos a todos a un riquísimo biscoito recheo de pebidas de chocolate. Grazas a Celia e a súa familia pois estaba boísimo e... non deixamos nin as migallas!. Vede que axiña demos conta del. PARABENS CELIA, DOS TEUS COMPAÑEIROS E DA TÚA MESTRA E.. A CUMPRIR MOITOS MÁIS.

GÜINO E A SÚA MALETA.

2012-01-18T11:42:00.003+01:00

A mascota da nosa biblio deixounos unha sorpresa a carón da porta das clases das Gaivotas e dos Gatiños: unha maleta chea de libros dos que el custodia "No xardín do pasatempo". Grazas Güino porque un ano máis seguiremos aprendendo e disfrutando da lectura, ademais... algún xa o leremos nós soíños!.

MESTURA DE COMPIS...

2012-01-14T23:11:00.003+01:00

Un novo trimestre comezou e as gaivotas estreamos compañeiros de mesa. Aínda que xa levamos tres anos xuntos desfrutamos moito cando a profe (por sorpresa) nos cambia de lugar na clase. Estes cambios serven para coñecérmonos mellor entre nós e sobre todo aprendemos a compartir e axudarnos mutuamente. Mirade estas fotos e vede as nosas cariñas de asombro e contento.

GATIÑOS E GAIVOTAS: VÉMONOS O DÍA 9!!!

2012-01-03T16:47:00.003+01:00

Que tal o estades pasando?. Seguro que de maravilla así que, aproveitade estes días a tope e sobre todo eses Reis que... están a piques de chegar!!. Sede coma os anxiños, moi boíños!! nestes días e o resto do ano. Como sabemos que xa o sodes aquí vos deixamos a demostración destas palabras. Ah! Esperámosvos a tod@s o vindeiro día 9. Onde?. No cole claro!!!. 66 bicos das vosas profes.

UN GRAN CORAZÓN PARA O NADAL

2011-12-26T17:44:00.004+01:00

As gaivotas, despois de ver unha peli sobre o Nadal protagonizada por Mickey e os seus amigos falamos sobre o que significan estas datas. Chegamos á conclusión de que o máis importante nestes días é o AMOR. Todo o demais: color, comida, agasallos, familia... vira ao redor del. E como o AMOR adoitamos representalo con un corazón, cada un de nós escribeu no seu corazón unha palabra que define o Nadal. Todas rodearon a un gran corazón que suxeitou o noso nacemento particular (despois de coñecer outros nacementos do mundo). Vede que ben nos quedou!.

VISITA DOS PAXES REAIS

2011-12-25T01:28:00.004+01:00

Logo de actuar, tódolos nenos e nenas de infantil recibimos unha grande sorpresa... ao son das gaitas. Eran os paxes reais que viñan recoller as nosas cartas. Agora esperamos con ilusión a noite do cinco de xaneiro.

CON ESTAS CARIÑAS DE ANXOS...

2011-12-24T01:24:00.005+01:00

Gatiños e gaivotas disfrutamos enormemente neste final de trimestre preparando o noso remix "Noite de Paz-Danza Kuduro". Esperamos que todos gozásedes coa nosa actuación e para que teñades un recordo visual da mesma aquí estamos desexándovos familias: BO NADAL E VENTUROSO ANO 2012. Pinchade aquí.

AS NOSAS MANS FAN O NADAL!

2011-12-24T00:46:00.002+01:00

Todos os nenos e nenas do cole axudamos na decoración desta xigantesca árbore de Nadal, coas nosas mans e cos nosos adornos. Védenos ás gaivotas nesta fermosa tarefa.

DE EXCURSIÓN AO BELÉN DE FERROL

2011-12-17T13:39:00.006+01:00

O venres, pese a inclemencias do tempo, os nenos e nenas de Infantil fomos visitar o Belén da Orde Terceira de Ferrol. Gustounos moitísimo así que, como unha imaxe vale máis que mil palabras, pinchando aquí tedes máis fotiños da excursión.

OS ÚLTIMOS ANIVERSARIOS DO ANO NA CLASE DOS GATIÑOS

2011-12-17T13:16:00.007+01:00

Este xoves os Gatiños celebramos os aniversarios das peques da clase: Paula e Daniela. Para a festa as anfitrionas trouxeron unha riquísima tarta e uns zumes e como imaxinades, puxémonos as botas. Pinchando aquí podedes ver máis fotiños. Parabéns pequerrechas e a cumprir moitos máis!!!!

AS GAIVOTAS, DE ANIVERSARIO...

2011-12-15T22:56:00.003+01:00

Hoxe festexamos o aniversario de Xoán, Esteban, Sabela e Shara; as últimas gaivotiñas en cumprir anos, agora xa todas temos... OS CINCO!. Foi unha festa por todo o alto pero... con demasiado doce. Será por que estamos ás portas do Nadal?. Comemos e comemos ata fartar pois todo estaba boíííísimo. Parabens para os meus catro peques e... a seguir medrando!.

COMO NO CURSO PASADO... PEQUENOS ARTISTAS

2011-12-09T17:04:00.004+01:00

Xa para rematar co tema da vendima os Gatiños nos adentramos no mundo da arte a través de Goya, converténdonos en auténticos artistas. Pinchade aquí para ver máis fotiños!!!

PREPARANDO NADAL

2011-12-04T00:13:00.002+01:00

Xa se achega este fermoso tempo de Nadal e durante a semana comezou a aflorar o espíritu navideño nas aulas de infantil do noso cole. Gran parte disto acontece gracias a vós, familias, e á vosa implicación nos pequenos "apuros" nos que vos metemos as mestras. Todos poidemos disfrutar dos fermosos adornos que nos enviáchedes pero sobre todo valoramos o traballo que os nosos nenos e nenas fixeron a canda vós. Notouse que o disfrutaron e desexamos que a pesares do traballiño que vos fixemos pasar disfrutásedes dun intre agradable "en familia". Milleiras de GRAZAS e a seguir preparándonos para VIVIR un BO NADAL. Para verdes ás Gaivotas cos seus adornos pinchade aqui.

AMEIXA DENOMINACIÓN DE ORIXE PONTEDEUME.

2011-12-03T20:30:00.003+01:00

O xoves a gaivotiña Aroa trouxo a clase unha mostra do marisco da nosa ría. Tres ameixas que nos deixaron abraiados polo seu tamaño, mágoa que non poideramos saborealas cun bon mollo!. Desexamos que neste Nadal teñan boa saída no mercado e axuden a levantar a economía da nosa comarca. Non remataremos o curso sen investigar este ecosistema que temos tan preto, xa veredes. Grazas Aroa!. Pasade o rato por riba da imaxe e... sorpresa!

CON GOYA, REMATAMOS A VENDIMA.

2011-12-03T00:22:00.003+01:00

Esta semana Gatiños e Gaivotas rematamos a nosa vendima estudiando a un dos nosos pintores máis coñecidos, Goya. Fiñémolo co seu cadro "La vendimia" tamén coñecido como "El otoño".

Vede como quedaron as nosas obras e lembrade connosco todo o aprendido: proceso de elaboración do mosto-viño, que hai nunha adega e para que se utiliza, partes da vide e ata unha fábula... Axiña admiraredes todo o noso traballo.

HOMEAXEANDO A ÁLVARO CUNQUEIRO

2011-11-30T20:35:00.004+01:00

Neste trimestre no cole estamos a celebrar o centenario do nacemento de Álvaro Cunqueiro cunha exposición de traballos no taboleiro da lingua que está no corredor da planta baixa do cole. Con este motivo, entre todas as clases de Infantil fixemos o seu retrato con pegadas dos nosos dediños. A aportación dos Gatiños e das Gaivotas tédela nestas fotos.

Por certo, como os Gatiños non coñecían a este escritor decidimos investigar na casa a ver que aparecería sobre el (libros para nenos, adultos, de cociña...) e a profe tamén nos cantou unha cantiga de Amancio Prada que é un poema del. A verdade é que lles encantou!!!

A IRMÁ DE ÁLEX VEN A VISITARNOS!!!

2011-11-30T20:25:00.006+01:00

Esta semana os Gatiños tivemos a visita da irmá de Álex, Paula, que aínda que xa ten un aniño non fixeramos a presentación oficial e Álex tiña moitas ganas de que viñera ao noso cole. Como en outras ocasións foi un momento precioso, mesmo para Paula que estaba contentísima con tanto neno xunto!!!

Moitas grazas Álex e familia por regalarnos este momento!!

OS PEÓNS BAILARON, EN FAMILIA!!!

2011-11-26T01:03:00.009+01:00

Por fin o tempo nos deu unha tregua e aquí nos tedes. Tamén estades vós familias!!. Foi un día moi fermoso no que o pasamos fenomenal facendo bailar as nosas buxainas, algunhas con trampa pois non lles facía falta piola. O vindeiro ano gatiños e gaivotas seremos uns expertos co trompo. Ánimo e a seguir practicando cos maiores da casa. Graciñas familias pola vosa participación e bo facer. Pinchade para ver a "reportaxe" aquí.

E aquí tedes aos Gatiños cun clásico do refraneiro popular.

IMOS Á BIBLIO DE PONTEDEUME!!

2011-11-26T00:35:00.004+01:00

Hoxe e como xa fixeramos o ano pasado gatiños e gaivotas fomos visitar a Alejandro, o bibliotecario de Pontedeume, aproveitando a súa invitación para ensinarnos como funciona a biblioteca municipal. Algúns de nós xa somos usuarios da mesma e a moitos xa nos picou o "vermiño" para animarnos a usala. Pasámolo fenomenal e enchímonos de saudade cando nos proxectou o conto titulado "Señorita Pluma", coa súa propia voz!!. Ollade o ben que o pasamos.

UNHA NOVA GAIVOTIÑA

2011-11-25T23:56:00.003+01:00

Voando, voando e batendo as ás ben forte chegou á nosa clase Amanda. Unha nova compañeira á que demos a benvida o luns e que xa é unha máis entre nós. Aprenderemos, traballaremos, xogaremos e divertirémonos xuntos. Benvida ao noso cole Amanda!.

POLO SAN MARTIÑO OS PEÓNS AO CAMIÑO

2011-11-12T16:29:00.003+01:00

O tan renomeado día 11 do 11 do 2.011 foi o día de San Martiño e como lembra o refraneiro, os peóns saen ao camiño. No noso caso, as gaivotas, quedamos coas gañas de botar os nosos peóns a danzar no patio do cole xunto coas nosas familias. O certo é que o tempo xogounos unha mala pasada e esperamos que, un día destes, poidamos disfrutar co resto dos compañeiros dun fermoso "Día do peón". Nembargantes na clase celebrámolo como se tal: ensinando cadanseu peón (algúns ultramodernos), facendo a nosa exposición e decorando unha ficha conmemorativa.

Aquí nos tedes e... amosaremos a segunda entrega, "un día destes".

TRABALLANDO A VENDIMA

2011-11-10T11:33:00.006+01:00

Desde que fomos vendimar, gatiños e gaivotas estamos a aprender moito sobre a vendima. Aquí podedes ver algunhas fotos de como traballamos: lembrando a saída, estampando follas de vide, decorando acios, facendo murais informativos... Disfrutade destas imaxes coma nós do traballo.

AS GAIVOTAS INVESTIGAMOS SOBRE OS MORCEGOS.

2011-11-07T22:21:00.007+01:00

Hai uns días desde a biblio se nos invitou a elaborar un "conto de medo" aproveitando este mes do samaín. As gaivotas elaboramos un fermoso conto no que o protagonista é un morcego pero para darlle contido ao mesmo tivemos que facer como os bos escritores, documentarnos. Grazas as investigacións dos "nosos detectives" aprendimos: que os morcegos son mamíferos voadores, que se orientan grazas ás ondas que rebotan nos obxectos cando voan ou emiten sons, que son omnívoros... e moitas cousas máis. Ollade como nos implicamos na tarefa e, coma sempre, grazas ás familias por axudarnos.

O SAMAÍN E O MAGOSTO NA CLASE DOS GATIÑOS

2011-10-31T17:34:00.003+01:00

O venres pasado os gatiños xunto co resto de compis do cole, celebramos o Samaín e o Magosto. Como os outros anos, fomos ver a exposición de cabazas (cada cal máis orixinal) e logo fomos para o patio a comer as castañas e bailar e cantar a cantiga que preparamos este curso para a festa. Para ver o ben que o pasamos pinchade aquí.

SEÑORA MARÍA, SEÑOR MANUEL, CASTAÑAS ASADAS E VIÑO CON MEL.

2011-10-29T00:34:00.011+02:00

Por fin o Magosto!!. Que ganas tiñamos de castañas!. Decoramos o noso portacastañas e ata vimos como se asan as castañas, bueno mellor dito como as asaban o profe Suso e o exprofe Antonio. Por certo que levamos algún que outro susto cando algunha castaña estoupou moi pretiño de nós. Aquí estamos danzando e... papando, uhmmmm riquísimas por certo!.

(Castañas asadas xa están probadas e sobre o viño seguimos aprendendo da nosa vendima).

AS OBRAS DE ARTE DO SAMAÍN!

2011-10-28T23:46:00.009+02:00

Onte xoves foi o día culme do noso samaín. As cabazas encheron o cole de ledícia e sobre todo de ollos e bocas abraiados. É fermoso traballar en familia nun proxecto común. Grazas nen@s polo voso entusiasmo e familias pola vosa axuda e dedicación. Así luciron esas maravillas da man dos vos@s fill@s. Ah! Vede tamén como disfrutamos coa exposición de contos de medo e recitando unha poesía preparada para a ocasión. Pinchade aquí.

ANIVERSARIO DE OUTUBRO

2011-10-26T23:41:00.002+02:00

No mes do samaín temos de aniversario á gaivotiña Juan e hoxe foi o día en que o celebrou cos seus compis e coa sua profe. Convidounos a unha torta da que dimos boa conta pois non quedou ren dela así como a un refresco boísimo. Ata brindamos, pola familia e polo homenaxeado. Vede como o disfrutamos!!. Grazas Juan e familia.

BRAIS AMÓSANOS OS BOLIÑOS DE SAN NICOLÁS

2011-10-23T22:33:00.005+02:00

Hai uns días que gatiños e gaivotas levamos a casa o pequeno traballiño sobre "As Festas das Peras" e a gaivotiña Brais quixo amosarnos unha das tradicións destas festas. Védeo que fachendoso nos ensina este "Boliño de San Nicolás". Grazas a Brais e á súa familia. Este será un pequeno tesouro para a clase das gaivotas.

PREPARÁNDONOS PARA O SAMAÍN!!!

2011-10-23T20:05:00.006+02:00

Xa queda poquiño para celebrar o Samaín e no cole estamos traballando para ter todo preparado para a festa. Pinchade aquí para ver que morcegos tan chulis fixemos para o corredor!!!

PREPARANDO O SAMAÍN

2011-10-20T22:11:00.009+02:00

Lembrando as nosas orixes celtas... con esta festa celebrábase o final da tempada de colleitas (verán) e comezaba a estación escura e con ela o ano novo celta, a noite do 31 de outubro ao 1 de novembro. Tamén era a data de comunión cos defuntos que tiñan "autorización" para visitarnos esperandoos con ricos manxares e candeas alumeando nas portas, tradición que evolucionou cara ao que hoxe facemos: tallar cabazas colocándolle candeas ou que os nenos vaian de casa en casa pedindo doces.

As gaivotas, coma o resto dos compañeiros de infantil, lembramos esta tradición adornando o noso corredor con estes "terroríficos" morcegos. Mirade que chulo nos quedou, non si?.

GÜINO E XOVES DE CONTO

2011-10-16T22:16:00.008+02:00

Esta semana as gaivotas, como en cursos pasados, recibimos a visita dos maiores do cole nos "xoves de conto". Neste ratiño entrevistamos ao noso contaconto particular e escoitamos moi atentos a historia que nos narrou. Igualmente comezamos a disfrutar do servizo de préstamo da nosa biblio "O xardín do pasatempo". Vede nas fotos o contento que estaba Güino na nosa compaña, case perde os lentes!.

OS MAIORES VOLVEN A CONTARNOS CONTOS!!!!

2011-10-13T12:56:00.005+02:00

Hoxe volveron os maiores a contarnos un conto. É unha actividade que nos gusta moito.

Mirade que atentos estabamos!!!!

Moitas grazas aos veteráns do cole por compartir estas con nós!!!

COUSIÑAS DO OUTONO!!!

2011-10-13T12:51:00.004+02:00

Aínda que non o pareza... estamos en outono!!! E Iker e Raquel hoxe nolo quixeron recordar traendo cousiñas típicas desta época: millo, piñas e landras!!! Así que... nos puxemos a recordar cousas!!! Moitas grazas chicos!!!

OS ÚLTIMOS "LATEXOS" DO VERÁN.

2011-10-06T23:50:00.008+02:00

Estes días percibimos xa os "derradeiros latexos" do verán. Un verán no que as gaivotiñas e as súas familias viviron múltiples experiencias que quixeron compartir connosco. Aquí vos vai unha galería fotográfica das mesmas e un agradecemento por todo o aportado e como non, tamén grazas por axudarnos a afondar un pouco máis nas nosas Festas das Peras. Nelas descubrimos que a tradición, nalgún papá, xa ven de hai anos (grazas papá de Shara).

Cool Slideshows

OVOS DE TIBURÓN NA CLASE DOS GATIÑOS!!!

2011-10-03T12:31:00.005+02:00

Como noutras ocasións hoxe Celia quixo compartir con nós un dos seus achádegos: un ovo de tiburón!!! A todos gustounos moito!!! Pinchando aquí tedes as fotiños das nosas observacións!!!
Grazas Celia por seguir compartindo con nós as túas experiencias!!!

OS CUMPLES DE AGOSTO NA CLASE DOS GATIÑOS!!!!

2011-10-03T12:29:00.006+02:00

Hoxe celebramos os aniversarios do mes de agosto na clase dos Gatiños con biscoito, zume e unhas patatolas!!! Mirade que ben o pasamos pinchando aquí e ....
PARABÉNS IKER, CARLA E ÁLEX!!!

AS GAIVOTAS... DE ANIVERSARIOS!

2011-10-01T17:30:00.007+02:00

O venres celebramos os aniversarios das gaivotiñas nadas nos meses de agosto e setembro. Foi perfecto!: tres tortas estupendas e uns zumes deliciosos. A profe xa nota que somos maiores, menuda organización: o encargado repartíu platos, vasos e culleres e unha axudante servíu o zume. Estivemos todos entregados. Parabens para Brais, Aroa, Axel, Claudia e Ainoa. Ah! e coma sempre GRAZAS FAMILIAS. Védenos aquí .

VENDIMANDO...

2011-09-27T15:59:00.007+02:00

O venres pasado Gatiños, Gaivotas, Peixiños e Golfiños fomos vendimar: recollemos as uvas, estrullámolas coa máquina (e cos pés!!!), observamos os bocois e o lagar na adega e probamos como sabe o zume de uva.

Se queredes ver todas as fotiños que sacamos, que foron unhas cantas, pinchade aquí.

TOC-TOC... SORPRESAAAAAAAAAA!!!!! CHEGOU O OUTONO!

2011-09-22T12:16:00.007+02:00

Toc- toc....e... sorpresa!!!!! Estabamos sentados falando na asamblea, chamaron á porta e apareceu unha folla debaixo da porta!!! De onde viña???? Quen a puxera alí??? Saímos a investigar e atopamos todo o corredor cheo de follas que nos dirixiron ata a aula de psicomotricidade onde había unha cesta chea de uvas.

Entón empezamos a falar do tema xunto cos nenos das clases de 4 anos: da súa cor, olor, forma... Xurdiron cousas moi interesantes e moitas preguntas ás que teremos que dar resposta. Axudádenos???

- Como se chama a planta ou árbore das uvas? Houbo quen dixo "uvero" pero non estamos moi convencidos. Nerea sinalou que se chamaba "parra" pero temos que informarnos mellor do tema...

-Que é vendimar??? Algún apuntou que é "vender el mar" pero non estamos moi seguros...

-Mateo dixo que se podáin comer e beber...

-Antía contounos: "mi abuelo tiene una cosa con uvas juntadas y algo que les echas las uvas y después le vas rodando con algo y las machaca y luego vienen los mosquitos y se las comen..."

-Álex tamén dixo: "mi abuelo las coge para comer". "A mí me gusta el vino de niños".

E isto é todo polo de agora, que xa é bastante... Mañá... máis e mellor!!!

LEMBRANDO A "FESTA DAS PERAS"

2011-09-17T17:49:00.006+02:00

Gatiños e gaivotas chegamos ao cole aínda coa resaca das festas do noso pobo. Por eso as nosas profes aproveitan para falar e traballar un pouquiño sobre elas durante estas dúas primeiras semanas. Pedímosvos ás familias que desde a casa nos ilustredes sobre a súa orixe, costumes, anécdotas e incluso fotos que poidades ter de hai anos sobre como se celebraban estas festas. Tamén desde o cole vos ensinaremos e preguntaremos sobre elas.

GRAZAS POR COLABORAR.

UN NOVO CURSO COMEZOU...

2011-09-12T22:34:00.004+02:00

Hoxe os "pequenos eumeses" escomezamos un novo curso, o último nesta etapa de educación infantil. Gatiños e gaivotas xa somos os maiores!!!. Primeiro orientámonos buscando a clase e os percheiros, logo descubrimos a nova clase, coñecimos profes novas, contamos as aventuras do "verán" e da Festa das peras, traballamos..., por certo con moitas gañas, e disfrutamos dos xogos co resto dos compañeiros. Compartimos con vós estas primeiras imaxes do curso e coma sempre... sede todos BENVIDOS!! ao noso blog.

AVISO MOI MOI IMPORTANTE!!!!

2011-08-03T21:27:00.005+02:00

O día 6 de setembro esperámosvos

na reunión de inicio de curso ás 11 h.

SABELA COMPARTE CON NÓS O SEU VERÁN!!!

2011-08-01T13:51:00.006+02:00

O verán segue a súa marcha e con el as vacacións. Os nosos pequenos eumeses aproveitan o seu tempo de lecer para disfrutar coas súas familias e amigos. A gaivota Sabela quixo compartir con todos nós o vivido no seu verán e pinchando aquí tedes as súas fotiños: no Feirón medieval, coa súa irmá, no Cantajuegos... e facendo fichiñas para que non se lle olviden as cousiñas aprendidas... E... como vedes tanto se esforza que caba rendida!!!!

Un biquiño enorme Sabeliña!!!

E moitas grazas aos teus pais por compartir as túas experiencias con todos nós!!!

DESPOIS DAS GRADUACIÓNS... BO VERÁN!!! VÉMONOS EN SETEMBRO!!!

2011-06-23T10:34:00.006+02:00

Xa chegou o verán e con el rematamos un curso máis, o segundo para os nosos gatiños e gaivotas pero… non vos angustiedes, xa estamos preparados para enfrontar o próximo. Sobre todo desde que onte poidemos disfrutar da graduación dos nosos compañeiros e descubrimos que para o ano que ven… tócanos!. Ollade con que cariñas vimos as graduacións de peques e maiores. Ah!, aínda nos deu tempo a degustar o ágape que nos prepararon as profes, ñam, ñam!!. MIRADE PINCHANDO AQUÍ.

CIRCUITO XIGANTE.

2011-06-22T11:27:00.006+02:00

Este luns o profe Roberto preparou para todo infantil un circuito xigante no patio dos maiores. Aquí nos tedes a Gatiños e Gaivotas disfrutando de lo lindo. Pasámolo pipa, mirade as nosas caras pinchando aquí.

Momento memorable na clase dos Gatiños

2011-06-20T21:57:00.003+02:00

Como vedes temos un novo momento memorable na clase dos Gatiños así que animádevos a lelo e botar unhas boas risas!!!

Aniversarios de xuño e xullo na clase dos Gatiños

2011-06-20T10:40:00.011+02:00

O venres pasado celebramos os aniversarios dos meses de xuño e xullo na clase dos Gatiños. Para a festa os anfitrións -Yovanka, Nerea, Adrián e Pablo- trouxeron unha riquísima tarta de Bob Esponja e zume e batido.

Parabéns pequerrechos e a cumprir moitos máis!!!

E se queredes ver máis fotiños pinchade aquí.

ANIVERSARIOS DE XULLO

2011-06-16T11:55:00.011+02:00

Logo da nova coa que abríamos esta semana recuperamos o sorriso para celebrar os aniversarios das gaivotiñas Nuria, María e David. Son os últimos do curso e corresponden ao mes de xullo pois… como non estaremos xuntos no quixemos perder a ocasión de disfutalos. Aquí nos tedes ben adornados e degustando a “Bob Esponja” acompañados duns zumes.
Parabens e… a cumprir moitos máis!!.

LADRÓNS DE ILUSIÓNS...

2011-06-14T21:09:00.006+02:00

Supoño que xa todos estaredes informados: este finde de semana o noso colexio foi vítima dun roubo, noticia que hoxe La Voz de Galicia destacaba na súa portada (se queredes lela pinchade aquí).

Pero se mo permitides gustaríame dedicarlle unhas verbas a estes ladroóns de ilusións:

"Creo que non hai nada máis ruín que roubarlle a nenos/as, porque roubarlles siginifica roubar ilusións, inocencia... A cara dos pequechos cando chegaron o luns á escola e viron o acontecido é indescritible, como tamén o foi a cara do profesorado: tanto e tanto traballo, esforzo... que por unha actuación miserable duns poucos, esfúmase...

Mais o que non se vai esfumar é a ilusión e as ganas que grandes e pequenos temos de seguir traballando. Semella que cada vez que nos levantamos dunha caída (inundacións, filtracións...) algo no camiño aparece para que volvamos caer, pero ao igual que nos levantamos en anteriores ocacións, esta vez tamén nos poñeremos en pé e volveremos camiñar.

Esperamos familias e amigos que unha vez máis non deades folgos para continuar a nosa andaiana e a vós... ladróns de ilusións... que cando encendades os nosos ordenadores, as cámaras... sintades noxo pola vosa forma de gañarvos a vida, a costa de roubar os soños dos demais."

Esperamos que as vindeiras entradas volvan ter o ton alegre de sempre e moi especialmente neste caso, agardamos os vosos comentarios.

SALVANDO LIBROS...

2011-06-10T12:54:00.008+02:00

Como actividade final da biblioteca neste curso, hoxe desenvolvemos a actividade "Salvando libros". Entendemos por salvar libros a permanencia deste na memoria, polo que o noso centro optou por salvar o libro de Ramiro Fonte O xardín do papsatempo que ademais dá nome á nosa biblio. Os nenos de Infantil recitamos a poesía A chave e a verdade é que nos saíu moi ben!!!

AVISPEIRO E BOLBORETA

2011-06-10T10:59:00.003+02:00

Hoxe na clase das gaivotas observamos as aportacións de David e Aroa. David amosounos un avispeiro que lle colleu o seu pai, encargándose claro está, de que chegase sen avispa algunha. Observamos unha vez máis o traballo de arquitectura destas primas das abellas facendo as súas celdiñas. Tamén chamou a nosa atención que parecía estar feito de papel de seda polo delicado que era.

Aroa trouxo unha bolboreta "cazada" por ela mesma e que deixamos libre no xardín do noso patio pois... puxémonos no seu lugar e... "preferimos vivir en liberdade que pechados nun tarro". GRAZAS AOS DOUS.

OBSERVANDO CHÍCHAROS

2011-06-09T10:09:00.010+02:00

Despois da excursión de onte, a foquiña Rocío trouxeron ao cole uns chícharos para que vexamos cal vai ser o resultado das sementes que prantamos en Belelle.

Moitas grazas chicas por compartilo connosco!!!

EXCURSIÓN Á GRANXA-ESCOLA DE BELELLE

2011-06-08T18:18:00.008+02:00

Hoxe todos os nenos de E. Infantil fomos de excursión á granxa-escola de Belelle. Alí, por grupos, fixemos varios obradoiros: de aves, de coidado de animais, visitamos os a nimais que alí teñen, montamos en pónei, o obradoiro do horto e o de cociña. Unha xornada ben cargadiña de traballos de granxa que fixo que nos converteramos en granxeiros por un día e sobre todo... que os peques o pasaran xenial!!!

GRILOS NA CLASE DOS GATIÑOS

2011-06-03T10:03:00.008+02:00

Hoxe tivemos visita. A gatiña Celia trouxo ao cole uns grilos!!! Así que... nos puxemos a observar
e a investigar... e a verdade e que sabiamos moitas cousas destes bechos!!! E para rematar a visita escoitamos a canción "Canta o grilo..."

Moitas grazas Celia!!!

Á GATIÑA CELIA CAEULLE UN DENTE!!!

2011-06-02T12:59:00.003+02:00

Xa hai moitos gatiños desdentados... o que aínda non nos pasara é que caera un dente na clase!!! Que acontecemento!!! O dente xa está ben gardadiño que esta noite...

Celia terá visita??? Mañá nos contas peque!!!

A XOGAR AO XARDÍN!!!

2011-06-01T11:51:00.003+02:00

Onte aproveitando o bo tempo, fomos xogar ao xardín que está aquí preto do cole. Pasámolo xenial e... se non o credes... botádelle unha ollada a estas fotiños!!!

MARTA, VEUNOS VISITAR.

2011-06-01T08:59:00.001+02:00

Hai uns días visitounos Marta, bueno… coa súa mamá. É a irmá de Sabela que con un mesiño xa disfrutou da compaña das gaivotas. Tamén nós fixemos un recordatorio de como fomos non hai moito tempo: o que faciamos, o que non podiamos facer, como nos alimentabamos, como “pedíamos as cousas”, que coidados necesitabamos… Mirade estas fotos e vede o noso interese. Grazas Marta, pola túa compaña.

XA TEMOS OVOS PARA OS NOVOS VERMES DE SEDA!!!

2011-05-27T12:51:00.008+02:00

As bolboretas xa puxeron os ovos para que na vindeira primavera nazan os novos vermes de seda, con isto queda outro curso máis pechade o ciclo!!!

OS ANIVERSARIOS DO MES DE MAIO NA CLASE DOS GATIÑOS

2011-05-26T22:16:00.000+02:00

Parabéns Maya e Nuria!!!

Hoxe celebramos na clase dos Gatiños o seu aniversario e para a festa contamos cunha riquísima tarta e zumes.

A cumprir moitos máis pequerrechas!!!

DE EXCURSIÓN Á CASA DO MEL!!!

2011-05-26T17:26:00.009+02:00

Onte fomos de excursión á Casa do Mel en Goente para coñecer un pouquiño máis sobre o mundo das abellas. E... a verdade... é que mereceu a pena facer esta viaxe porque a experiencia foi moi enriquecedora e os pequechos pasárono en grande: fixemos candeas, probamos diferentes tipos de mel, vimos abellas nunha colmea e diferenciamos á raíña, observamos as máquinas nas que se extrae o mel dos panais e na que se envasa o mel, algún de nós vestiuse de apicultor/a...

Ármadevos de paciencia que para ver esta morea de fotiños que dan mostra de todo o que fixeron os Gatiños e as Gaivotas!!!

APRENDENDO SOBRE O TRAXE GALEGO CON ORBALLO

2011-05-24T17:56:00.005+02:00

Hoxe no cole tivemos visita. Membros da agrupación Orballo visitáronnos, e viñeron cargadiños de roupa, roupa típica da nosa terra. Explicáronnos a composición dos traxes, a diferenza entre o de cotío (para o traballo diario) e o de festa... E para ilustrar ben a cousa, vestiron ás profes Ilenia e Vanesa. Logo foi o momento dos peques que puideron probarse a roupa, tocala... Unha boa maneira de achegar o folklore popular galego ás novas xeracións.

Moitas grazas pola vosa visita amigos!!!

O CICLO DOS VERMES DA SEDA CHEGA AO SEU FIN.

2011-05-24T13:16:00.003+02:00

As gaivotas estamos a observar a fin do ciclo da vida. Os nosos vermes da seda agora xa bolboretas uníronse e reproducíronse. Observamos a súa transformación no casulo e agora os seus ovos que pouco a pouco cambiarán de cor para conservarse mellor ata dentro de dez meses.

Ata a vindeira primavera!.

GATIÑOS E GAIVOTAS UNIDOS POR UN MURAL

2011-05-24T11:10:00.002+02:00

Aquí nos tedes plasmando todo o que estamos aprendendo sobre o mundo das abellas. Nunha clase e moi ben organizados: observamos o cadro dunha colmea e un panal de cera, decoramos raiña, zánganos e obreiras, denos cor ao mural, pegamos os detalles e nomeamos cada aspecto interesante deste proxecto. Pasámolo en grande, compartimos, aprendimos e… estamos orgullosos do resultado. Que vos parece?.

ESTE DOMINGO... ELECCIÓNS!

2011-05-20T11:12:00.004+02:00

Ao ires á biblio as gaivotas descubrimos uns ferros moi raros. Cando viñamos de volta decidimos barrenar en que sería aquilo. Para poñer libros dixo un, para colocar papeis dixo outro... Logo de explicar que en cada casiña efectivamente se poñían papeis diferentes para ser elexidos pol@s papás e mamás descubrimos que eso se chamaba "votar" pero... non dar botes como coa pelota senón que se trata de escoller á persoa que queremos para alcalde (a que manda, dixeron, e a que fará que o pobo sexa máis bonito e mellor). E por que os nenos non podemos votar?. Contestada esa pregunta os vosos fillos esperan participar con vós este domingo, para ver o que é iso de "votar".

A PRIMEIRA BOLBORETA

2011-05-20T10:57:00.008+02:00

Logo de case vinte días hoxe apareceu a primeira bolboreta. Foi unha gran sorpresa para as gaivotas. Ademais este ano os vermes da seda permitironnos observar a crisálida, na que se transforman normalmente dentro do casulo, nun deles sen embargo esta transformación fíxose sen casulo. Sairá algo dela?. Estaremos moi atentos.

DÍA DAS LETRAS GALEGAS NO COLE

2011-05-19T11:11:00.002+02:00

Onte disfrutamos o día das Letras Galegas, houbo melodía de gaita que interpretou o himno do antigo reino de Galicia, reproducción da vida de Lois Pereiro, canción do Pirimpimpi, música e canto con "Ven bailar Carmiña" e demostración musical de caixa, pandeireta, gaita e bombo de compañeiros maiores do cole. Pasámolo moi ben e como mostra estas fotiños.

HOMENAXE A LOIS PEREIRO

2011-05-18T12:00:00.003+02:00

Hoxe conmemoramos no cole o Día das Letras Galegas. Para adornar o escenario cada calse de E. Infantil recreou unha caricatura de Lois Pereiro empregando diferentes técnicas e tonalidades da cor que a cada clase lle tocou. Aos Gatiños tocounos a cor amarela e este foi o resultado....

OS BICHOS DAS GAIVOTAS

2011-05-18T10:16:00.008+02:00

Aquí nos tedes, aproveitando esta boa primavera tan rica en bichos: Aroa trouxo unha lagartixa que todos observamos con gran curiosidade e cuestionándonos sobre como se pode agarrar ás paredes e Shara amosounos dúas abellas (unha delas coa bolsiña de pole na pata traseira), unha xoaniña, unha mosca e unha avispa. Ollade para facervos unha idea. Grazas familias pola vosa pericia ao recoller estes exemplares!!.

FESTEXANDO AS LETRAS GALEGAS CON... IRIADONA

2011-05-12T18:16:00.001+02:00

Hoxe no cole tivemos sorpresa. O grupo Iriadona estivo acompañándonos dentro desta semán de festa: a festa das Letras Galegas,que continuaremos á volta da ponte. Tíñannos un especáculo preparado fermosísimo que nos deixou coa boca aberta... pero non os deixamos marchar sen interpretarnos as cantigas que o curso pasado máis nos animaron:

Vai tú, vai tú vai ela... e A saia da Carolina.

Moitas grazas pola vosa presenza e polo bo rato que nos facedes pasar sempre que vides ao noso cole!!!

A PALABRA EN GALEGO MÁIS FERMOSA PARA OS GATIÑOS

2011-05-11T12:10:00.002+02:00

Durante estes días estivemos debatindo entre os Gatiños sobre cal era a palabra máis fermosa para nós en galego, que xuntariamos coas das demais clases do cole para decorar o escenario para as Letras Galegas. Logo de moitos debates houbo unha decisión. A palabra sería: CAN (así todo estes gatiños queren tentar á sorte meténdose cos cans, pero bueno... alá eles). É aquí tedes o resultado.

A PALABRA MÁIS FERMOSA.

2011-05-11T11:40:00.006+02:00

Estamos de cheo na celebración da festa da lingua, as Letras Galegas. Todo o cole está de festa e que menos que celebralo coa lingua. Aquí tedes o salón de actos decorado con Lois Pereiro, ao que se adica este ano o día das Letras Galegas e coas verbas máis fermosas que @s nen@s escollimos da nosa lingua. As gaivotas eliximos a palabra MEIGA (peixe) e vede como disfrutamos colocándoa e lendo as demais.

AXUDÁDENOS A MANTER A RIQUEZA DA NOSA LINGUA!!!.

QUE RICO ESTÁ O MEL!!!

2011-05-11T11:25:00.003+02:00

Esta semán probamos o mel que algún dos Gatiños trouxeron ao cole para seguuir investigando coas abellas. Algúns probámolo pero outros só quixeron ulilo... co san que é pequenos!!! Mirade que cariñas puxeron algúns!!!

MARTA, A IRMÁ DE SABELA!!!.

2011-05-08T01:25:00.003+02:00

Estes días coñecimos a Marta, a irmá de Sabela. Para os que non a viron moi de preto Sabela trouxonos unhas fotos. Gustounos moito esta pequerrecha e sobre todo lembramos que non hai moito nós tamén eramos así. Mirade que orgullosa amosa Sabela á súa irmanciña. Desde aquí a invitamos a visitarnos cando queira. Esperámoste Marta!!!.

COÑECER MELLOR ÁS ABELLAS.

2011-05-08T00:50:00.006+02:00

Esta semana as gaivotas fomos aportando diferentes materiais que nos axudaron a coñecer mellor ás abellas: Sabela ensinounos información, Celia tróuxonos dúas calas para que visemos o pole que recollen as obreiras e que logo o apicultor envasa. Shara aportou o mel e levounos a investigar sobre como é elaborado polas abellas e María amosounos un panal de colmea con cera e todo así como varios anacos de cera cos que poidemos observar a sofisticación das celdiñas: profundidade, perfección da xeometría…Ah!!! tamén ulimos a cera. Aquí nos tedes. GRAZAS E ÁNIMO, A SEGUIR INVESTIGANDO!!!.

O MUNDO DAS ABELLAS

2011-05-04T11:38:00.001+02:00

A semana pasada gatiños e gaivotas empezamos a coñecer o mundo das abellas. Xa sabemos como son, que nunha colmea hai tres tipos de abellas con diferente función cada unha, como é unha colmea… e tantas cousas máis que seguiremos aprendendo, tamén coa vosa axuda, familias. Ollade, aquí nos tedes adornando a nosa mesa de estudo.

OS VERMES DE SEDA FAN CASULOS

2011-05-04T10:57:00.005+02:00

O luns cando chegamos ao cole atopámonos cunha sorpresa: os vermes da seda fixeran os primeiros casulos!!! E a cousa vai rapidiña porque nestes tres días o número vai en aumento!!! Pinchade aquí para ver máis fotiños!!!

E para saber máis do ciclo dos vermes de seda... pinchade aquí.

O POLE DAS ABELLAS

2011-05-04T10:53:00.003+02:00

Onte Iker quixo traernos a clase dos Gatiños... pole das abellas!!! Primeiro falamos da súa orixe, usos, importancia... para logo ulilo, mais ninguén se animou a probalo!!! O cheiro que botaba non era moi agradable para os gatiños... e se non mirade que cara puñan pinchando aquí.

O PRIMEIRO CASULO

2011-05-04T10:02:00.011+02:00

O día primeiro de maio apareceu o primeiro casulo dos nosos vermes da seda. Despois de “barrenar” como o farían algunhas gaivotas dixeron que “os vermes collían un anaquiño de sol e por eso estaban amarelos”, “ que collían unha cera da clase e por eso estaban amarelos” “queren facer a súa casiña”. Ata que… fixándose fixándose decatáronse de que os facían con fío, o fío da seda. Aprendimos que o fío tiña de longo sobre dous quilómetros e que as súas cores van desde a branca a amarela. Que pasará dentro do casulo?. Védenos que interesados estamos.

A FESTA DOS MAIOS

2011-04-29T18:01:00.008+02:00

Hoxe tamén celebramos a festa dos maios. Os pequenos de infantil para a ocasión fixemos un maio ben florido e puxémonos ben guapos cunhas coroas feitas para a ocasión. Logo do paseo co maio, chegou o momento de cantar a cantiga que inventamos. Se queredes ver as fotos pinchade aquí. Ahhh, e esperámosvos o domingo 1 de maio no concurso de maios da vila, porque aínda que o importante é participar... se gañamos haberá que celebralo!!! Non si?

VISITOUNOS... A IRMÁ DE IKER!!!

2011-04-29T17:57:00.007+02:00

Hoxe foi un día cargadiño de acontecementos. Despois da obra de teatro veu facernos unha visita a irmá de Iker (Mencía), que xa tiñamos moitas ganas de coñecer polo que nos levaba falando dela. E como era de esperar Iker estaba moi emocionado, é que non sempre un é o irmá maior!!!

BUSY BEE!!!

2011-04-29T11:02:00.008+02:00

Este é o título da obra de teatro que fomos ver hoxe no cole acompañados de alumnos do CEIP de Andrade. Pasámolo moi ben, aprendemos novo vocabulario e frases en inglés e... a pesar de pasar un pouco de medo cando saíu o oso... ao final conseguimos que a abella raíña (que era a profe Dámaris) tivera a súa tarta de aniversario!!!

Mirade máis fotiños pinchando aquí.

UNHA ABELLA!!!

2011-04-29T09:47:00.004+02:00

Hoxe Iker quixo traernos unha... ABELLA!!! Vaia exitazo!!! Cantas cousas aprendemos!!! Que teñen 6 patas, que teñen 4 ás, que forma teñen as celdas da colmea... Moitísimas grazas por brindarnos esta experiencia!!! Só con verlles as cariñas aos gatiños e ás gaivotas vos podedes facer una idea!!!

A INVESTIGAR SOBRE AS.... ABELLAS!

2011-04-28T13:00:00.001+02:00

Pois si como vedes estes días imos estudar cousiñas sobre as abellas, porque como ben sabedes como a chegada da primavera estes "bechos" empezan a aparecer. Pero... como sempre temos algunhas dúbidas sobre o tema, a ver se nos podedes axudar con libros, fotos, pelis... Moitas grazas de novo familias!!!

Que sabemos?

- Traen o mel.

=Fan o mel

- Colllen o polen

- Van de flor en flor

Que queremos saber?

- Como fan o mel?

-Que son as abellas?

- Como teñen os fillos?

-Onde poñen o mel?

-Para que collen o polen?

UNS CÁGADOS NA CLASE

2011-04-28T12:11:00.006+02:00

Hoxe a gaivotiña Celia trouxonos dous cágados que colleu coa súa nai na estación. Gustáronnos moito e xa falamos sobre estes anfibios. Quixeramos coidalos e coñecer a súa evolución, a ver se o conseguimos. Grazas a Celia e á súa nai.

QUE GORDIÑOS ESTAMOS!!!.

2011-04-28T11:15:00.002+02:00

O primeiro día de volta no cole quixemos comprobar o cambio dos nosos “compis”, os vermes da seda. Mirade estas fotos e vede o que poidemos disfrutar con eles. Dispuxémonos tamén a plasmar eses cambios nun mural. Seguídenos e comprobaredes o ciclo vital destes animais!!!.

UNHA GATIÑA NOVA...

2011-04-27T11:42:00.002+02:00

Hoxe se incorporou á clase dos Gatiños unha amiga nova: Yovanka. Esperamos que te sintas moi ben na nosa clase e que aprendamos moitas cousas xuntos!!!

ÚLTIMO CAMBIO DE SITIO NA CLASE DOS GATIÑOS

2011-04-26T10:52:00.004+02:00

Co novo trimestre como é costume na clase dos Gatiños tamén houbo cambio de sitio e este é o resultado!!!

COMO CRECERON OS VERMES DE SEDA!!!

2011-04-26T10:44:00.008+02:00

Hoxe de volta ao cole despois das vacacións levamos unha boa sorpresa: os vermes de seda creceron un montón e se puxeron moi moi gordiños. Así que necesitamos moitas follas de moreira para que sigan creecendo!!!

Mirade estas fotiños e xa veredes!!!

FELIZ PASCUA !!!

2011-04-15T12:24:00.007+02:00

Os gatiños e as gaivotas queremos desexarvos uns gratos días de descanso e unha Feliz Pascua. Logo nos veremos, así que repoñede forzas para afrontar o último tirón do curso. Apertas e... boas vacacións !!!.