SEIS PANDAS DE ANIVERSARIO!

Chegou o último mes do curso e con el os últimos aniversarios na clase dos Pandas. Aquí tedes aos protagonistas, xa se lles ve cara de maiores, non si?. Parabéns para estes seis mosqueteiros e a seguires cumprindo moitos máis.

Coma sempre a torta riquísima e esta vez acompañada con batidos de chocolate que estaban... super bos. 

Graciñas familias pola vosa implicación nesta celebración!

ANIVERSARIO DE MAYRA.

Que ben o pasamos no aniversario da Pandiña MAYRA!. Esta pequerrecha tamén cumpríu seis aniños e invitounos a unha saborosa torta super decorada que disfrutamos coma sempre despois de cantarlle as coñecidas cantigas de aniversario e de tirarlle un pouquichiño das orelliñas. Je, je!!. 
Parabéns Mayra e a seguir medrando un montón!.

NO MES DA PRIMAVERA... SEGUIMOS CUMPRINDO ANOS!

Este mes celebramos o aniversario de ICÍA, ANDREA, PABLO e a profe... que tamén cumpre!. Unha torta riquísima, bombóns e uns zumes fixeron desta data un día especial: para os peques era o seu último aniversario en infantil e para a profe o último cos seus Pandas.
Parabéns meus pequerrechos e vós... a seguir medrando!.

EMPEZAMOS A CUMPRIR 6 ANIÑOS!

Esta semana rematamos febreiro celebrando os aniversarios das Pandas máis maiores da clase, que xa cumpren seis!. 
VALENTINA, SOFÍA E ALDARA convidáronnos neste día a unha mega torta riquííííííísima e a uns zumes. 

Parabéns pequerrechas e a seguir cumprindo moitos máis pero xa... en primaria!.

TODOS OS PANDAS TEMOS... 5 ANIÑOS!

Que maiores estamos!. Este mes os Pandas máis noviños: EZEQUIEL, AMONÁ E JULIA xa temos, como os nosos compis, cinco aniños. O tempo pasa voando...
Aquí nos tedes diante da torta coa que compartimos a ledicia que sentimos por sermos... un pouco máis maiores. 
Estaba deliciosa con eses tres chocolates e por suposto, coma sempre, dimos boa conta dela. Uhmmmm!!!.
Parabéns meus pequerrechos!.

EN NOVEMBRO... DE ANIVERSARIO!

Xa case todos os Pandas temos 5 aniños!. Neste mes tocoulle cumprir a ANTÍA, ZAIDA e PAULA, tres pandiñas que están feitas unha mociñas!. Convidáronnos a unha torta deliciosa da Patrulla Canina e a hai que ver que calquera anaquiño nos valía con tal de ter parte dalgún protagonista. Ao final non quedou nin miga. 
Parabéns pequenas e... a seguir medrando!.

ANIVERSARIOS DE OUTUBRO.

As nosas Pandiñas CLAUDIA e CARLA acaban de cumprir os cinco aniños. Están feitas unha mozas. Mirade que guapísimas!. Estaban superfelices celebrando o seu aniversario no cole porque ademáis coincidíu co Samaín. 
Da torta da Patrulla Canina non quedaron nin as migallas. Moitas grazas por convidarnos e a seguir cumprindo moooooooooooitos máis!.

SEGUIMOS A FACERNOS MAIORES!

No mes da volta ao cole celebramos os aniversarios dos compis que cumpriron en agosto e en setembro. Aquí nos tedes a outros pouquiños Pandas con... 5 aniños!. Parabéns REEF, INÉS e VÍCTOR  e moitas grazas por esta magnífica torta!

XUÑOS E XULLOS DE ANIVERSARIO!

O xoves celebramos o aniversario de seis pandas!: HUGO, MARTÍN, ANXO, ITAI, ROI E LOIS. Convidáronnos a unha torta caseira riquísima feita nesta ocasión por Lois e Roi. Antes de meterlle o dente contáronnos como a fixeron e que o pasaran moi ben como pequenos "chefs". Sempre coa axuda das mamás!, recalcaron. 
Para todos eles moitos parabéns e... a seguir medrando pequerrechos!.

A NOSA PANDIÑA MAYRA CUMPRÍU 5!.

A nosa compi MAYRA cumpríu 5 aniños este mes de maio. Estivo moi contenta ao celebralo no cole cos seus compañeir@s. Xa non vía chegar o día!. Convidounos a unha riquísima torta, cun sabor moi especial. E como non, a uns zumes super vitaminados. 
Parabéns para esta pequerrecha e a seguir cumprindo moitos máis!.

OS ANIVERSARIOS DE MARZO.

Co comezo da primavera dous Pandas cumpriron os cinco aniños: PABLO e ICÍA. Hai uns días celebramos o seu aniversario por partida doble xa que por estar enfermiña Icía e ter todo disposto celebrámolo un día e logo da súa recuperación, repetimos outro día. Tamén a maior da clase se facía "máis maior aínda" e convidounos a unha torta e uns bombóns. Estivo todo riquísimo!.
Parabéns Pandiñas e a seguires medrando moito!.

ESTREANDO OS 5 ANIÑOS!

Logo de tanta festa, quixemos deixar esta entrada para un momento de máis calma.
As Pandas VALENTINA, SOFÍA E ALDARA acaban de cumprir os cinco aniños. Hai que ver que mociñas están feitas!. Ademais elas mismas quixeron convidarnos a unha riquísima torta elaborada coas súas mans. 
Segundo as súas palabras: "mollamos as galletas en leite, un pouquiño porque senón desfanse, botamos unha capa de flan, outra capa de galletas, outra de chocolate... e así ata rematar adornando con lacasitos, huevitos e mikados". Encantounos a tod@s, estaba riquíííííísima!. 
Moitos parabéns pequerrechas e... a seguir cumprindo!.