XA ESTÁN AQUÍ... OS VERMIÑOS DA SEDA!.

Logo de ter ben gardadiños o oviños que nos deixaron as bolboretas da seda do ano pasado, ben entrada a primavera, retomamos a súa observación.
Esta semana poidemos ver como dalgúns xa saíron as larvas que, cun apetito voraz, furan e furan as folliñas de moreira. Durante estes días faremos un seguimento da súa evolución. Non volo perdades!.
Ah! e lembrade recoller follas de moreira por onde vos atopedes. O seu apetito é incansable e non paran un segundo de comer, comer para... crecer, crecer, creceeer.

COMO MEDRAN ESTES VERMES!

Os vermes da seda de Educación Infantil seguen a medrar e queremos ensinarvos a súa evolución. Por outra banda os vermes que temos os Xirasoles e que nos trouxo o noso compañeiro Mateo, xa van deixando de comer e empezan a facer o seu casulo. Algúns pensabamos que "unha araña se meterá na súa caixa e os atrapara coa súa tea" pero investigando, investigando... descubrimos que son propios vermes os que, soltando un líquido que teñen gardado no seu interior e que ao contacto co aire se convirte nun fío moi finiño, constrúen esa tea que logo de quilómetros de voltas se converte en casulo.
Agora estamos á espera do que acontecerá: algún pensamos que sairá o verme por un furadiño do casulo, outros que sairá unha bolboreta que despois fará un furadiño na cristaleira da clase e marchará voando... 



8 de abril

18 de abril





3 de maio

Vermes Xirasoles 3 de maio