FESTA DOS MAIOS!

Hoxe Patiños e Pandas compartimos unha xornada de traballo e convivencia. Xuntámonos para colaborar na elaboración dos Maios. Días antes xa nos xuntaramos co resto dos compis de infantil para lembrar as orixes desta fermosa tradición da nosa vila así como para ensaiar a cantiga deste ano. 

Facendo unha gran roda fomos axudando na elaboración da grinalda de margaridas. Ao ires rematando, como tiñamos a clase distribuida por zonas de xogo, compartimos un tempiño de xogo.

O mellor foi cando lles levamos ás nosas familias, que estiveron axudando mogollón, a nosa grinalda para colocar no Maio. Quedou fermosísima!. Non hai máis que velo.

E para rematar o día... que mellor que un picnic compartido!. Aquí nos tedes moi ben organizados compartindo a nosa parva.

Finalmente, desfilamos fachendosos polo corredor principal do noso cole pero... como pesaban os Maios!.

Aínda así ao día seguinte participamos na exposición dos Maios pola vila: cantando e pedindo para o Maio nos Xardíns de Lombardero, desfilando polas rúas e participando no concurso na Alameda. Lembrar que os Maios do Couceiro recibimos dous trofeos. Traballo moi ben feito!. 

Mil grazas ás familias pola vosa colaboración e implicación nesta festa tradicional!!. 

MAIOS!

TRADICIÓN.
Hai uns días que comezamos o MES DAS FLORES e no noso cole quixemos recuperar, como cada ano, unha fermosa tradición da nosa vila: OS MAIOS.
Coma sempre, o día principal, contamos coa inestimable colaboración das nosas familias pero previamente na clase descubrimos en que consiste esta tradición:
comezamos con situarnos no mes que iamos comezar, nas súas características xa dentro da primavera, comprendimos o significado de tradición e en que consiste facer un "maio".

Algún de nós, cando vimos o armazón do maio, lembrou que eses furadiños da rede son para colocar as flores e que esas "raias" son para agarrar. Pero... cantos agarran?. Logo de varias deduccións prácticas chegamos á conclusión de que teñen que ser catro os porteadores. 

ELABORACIÓN.

Grazas ás aportación de todos vós e á vosa axuda, familias, poidemos dar forma ao maio de infantil. Todos colaboramos con grinaldas de laranxas, cornetas e margaridas. A experiencia foi estupenda, mirade estas fotos.

GRINALDA DE LARANXAS. - Kizoa Editar Videos - Movie Maker

EXPOSICIÓN, DESFILE E CANTIGA.

Logo de aprender ou lembrar o nome das plantas e flores que conformaban o noso maio poidemos comprobar o fermoso que quedou e... como recompensa ao traballo ben feito que menos que unha boa parva, desta vez "de picnic" aproveitando que tiñamos un gran espazo na clase. Ademais como vedes o noso centro foi unha fermosa planta de margarida que nos trouxo Reef. Grazas Reef!.

MAIO - Kizoa Editar Videos - Movie Maker

Non esquecimos interpretar a nosa cantiga de maio "O maio aquí ven". Escoitade que ben se nos oe no ensaio previo porque logo... ao ser máis saíu... de maravilla.

MAIO CANTAREIRO!

Un ano máis e xa o último para Xirasoles e Bolboretas implicámonos na realización do noso maio (un pouco nerviosos porque por fin nos tocou ser os porteadores do maio). Este ano foi do máis orixinal, con forma de boneca!. Ás clases de cinco anos tocounos adobiar a saia cunha grande grinalda de margaridas. Con moito tino de non mancarnos enfiamos as margaridas que luciron no maio. Coma sempre e superagradecidos damos mil grazas ás familias que nos axudaron aportando o verde, as flores e co seu traballo ese día no cole. O desfile no cole foi moi fermoso porque poidemos disfrutar do traballo de tódolos compis do cole. E... o 1º de maio, a pesares do tempo, conseguimos que o noso traballo se vise recompensado a canda o de todo o cole por parte do xurado, que tódolos anos avalía o noso esforzo. O Concello agasallounos cunha pequena aportación que segue a valorar o esforzo por manter esta tradición da nosa terra. 
GRAZAS FAMILIAS POLA VOSA PRESENZA ESE DÍA PORQUE... GRACIAS A VÓS TODOS NOS SENTIMOS MOI ARROUPADOS.

MAIOS 2015 - Kizoa Movie Maker

"MAIO, MAIO".

O mércores, véspera do 1º de maio, foi un día moi atarefado nas nosas aulas. Coma en anos anteriores participamos na elaboración do noso maio. Repartimos o traballo e puxémonos mans á obra pero... non so nós. Contamos coa inestimable axuda das nosas familias: mamás, papás, avós... aos que lles queremos dar unhas GRAZAS EN MAIÚSCULA polo seu entusiasmo e dedicación neste fermoso traballo: por axudarnos a recoller as flores, mirtos, fiuncho..., por ser tan amables en amosarnos a evolución do maio e por facer que o noso traballo lucise tan fermoso.
Adornados coas nosas orixinais viseiras desfilamos polo corredor principal do cole e para rematar entoamos a nosa cantiga "Maio, maio". Foi un ensaio para o concurso dos Maios que se celebrou ao día seguinte na nosa vila. Mágoa que nel non tivesemos un maior recoñecemento ao traballo dos nosos pequenos!!. Grazas de novo ás familias que estivéchedes "ao pé do canón" este día festivo. Disfrutade destas fotos e clicade na palabra Maio para ver o traballo de todo o cole.

   

MAIOS 2014 (ELABORACIÓN) - Movie Maker

MAIOS 2014 (CONCURSO) - Movie Maker

BAILANDO O PEÓN!

Aquí nos tedes aos Xirasoles bailando o peón. Xunto coas nosas familias pasamos un día estupendo. Grazas a elas neste segundo ano animámonos un pouquiño máis a bailalo aínda que... nos queda moito para ser expertos coma os maiores do cole. Pero... todo se aprenderá, esto e máis!.
Grazas pola vosa participación e... a seguir practicando para o vindeiro curso!.

 

DÍA DO PEÓN 2013 - diapositivas

 

SAMAÍN E MAGOSTO "AS FESTAS DO OUTONO".

Desde hai uns días os Xirasoles viñémonos preparando para celebrar por todo o alto as dúas festas tradicionais do outono: a festa do samaín e o magosto. Para a primeira comezamos decorando o noso corredor cunhas pantasmas... terroríííficas e rematamos amosando a arte das nosas familias axudándonos a tallar as cabazas (GRAZAS COMA SEMPRE POLA COLABORACIÓN) e para a festa do magosto, como tódolos anos, non podía faltar o noso portacastañas decorado. Con el e a nosa caracterización particular de meigas puidemos interpretar a misteriosa Danza das Meigas da Fraga que nos ensinou a profe Lara. E... comendo castañas rematamos unha semana chea de... misterio!.


Parabéns a Daniela e á súa familia por esta fermosa "cabaza-carroza" que foi elixida como a máis orixinal. 

 

SAMAÍN 2013 - foto montaje

  

 

CORAZÓNS DE MAIO!!

Onte os CORAZÓNS de tódolos peques de infantil e das súas familias vibraron coa preparación da Festa do Maio. Trouxemos ao cole todo o necesario para adobiar a nosa "estructura": planta verde e un sinfín de variadas flores. Pero... sobre todo as gañas de pasar un ratiño divertido coa preparación de grilandas para colocar no noso "maio". Ás bolboretas e aos xirasoles tocounos enfiar laranxas e aquí nos tedes na tarefa. Mentres as familias, axudábades no complicado. Vede o resultado porque foi o máis fermoso. MIL GRAZAS POLA VOSA AXUDA E DEDICACIÓN, POLAS GRANDES IDEAS E POLA PERFECCIÓN. Logo do traballo paseamos fachendosos o noso maio polo corredor do cole e cantando a nosa cantiga dimos a benvida á primavera.
Pero hoxe... seguimos disfrutando no desfile pola vila e outra vez MIL GRAZAS pola axuda de todos desde o cole ata a alameda. Cantamos xenial e estabamos estupendos. Lástima dun premio que valorase a labor destes pequechos! que con entusiasmo e ledicia poñen tantas gañas en participar desta tradición.
A volta foi do mellor, verdade?. Algúns querían lanzarse ao mar co maio e usar as calas de remos... Aínda non estaban moi esgotados, je, je, je... 

GRAZAS A TODOS POR ESTAS DÚAS XORNADAS!! 
 

 

MAIOS - diapositivas

FESTA DOS MAIOS - diapositivas
 

 

EXHIBICIÓN DE "SILBO GOMERO"!.

Onte no cole puidemos descubrir unha "nova linguaxe". Bueno... "nova" para nós porque xa é moi antiga. Trátase do "Silbo gomero": linguaxe tradicional da illa canaria de A Gomera que utiliza os asubíos para comunicarse a longas distancias. A demostración desta arte estivo a cargo dun mestre e dous alumnos que viñeron desde as "Illas afortunadas" para amosarnos esta preciosa tradición.
Pasámolo bomba e unha vez que nos explicaron o truco das vogais ata... entendíamos o que nos dicían asubiando, escoitade senón...

 

 Grazas chicos por achegarnos esta fermosa tradición e grazas tamén á profe Alicia, que estivo connosco hai un tempo, por  ofrecernos esta posibilidade da que disfrutamos moito.

POLO SAN MARTIÑO OS PEÓNS AO CAMIÑO!!

Onte os xirasoles empezamos a preparar o "Día do peón" que celebramos hoxe. Fixémolo compartindo o noso coñecemento acerca deste xoguete que tantos anos ten. Descubrimos que xa os nosos avós xogaban a bailalo. Ah! e vimos uns videos moi chulos que nos amosaban como nenos, novos e maiores sabían bailar a buxaina.

Hoxe, dimos cor ao debuxo conmemorativo desta data e disfrutamos coa presenza das nosas familias no cole. Coa súa axuda e durante os anos que esteamos no cole de seguro que seremos uns expertos bailando o peón. Seguide animándonos, maiores, a non esquecer e perder as nosas tradicións. GRAZAS!! 

DÍA DO PEÓN - foto montaje

O MAGOSTO DOS XIRASOLES!.

Xa estamos a descansar, logo destes dous días de troula outonal: samaín e magosto. Aquí nos tedes nesta última. Comezamos pasando revista a exposición de cabazas de todo o cole e que os maiores se encargaron de colocar no exterior, para o disfrute de todos. Seguimos, colgándonos o "portacastañas" e  chamando "á fame" co baile da muiñeira escollido para a ocasión.

 

 

E rematamos... coa degustación das castañas. Decirvos que como eran especiais "asadiñas no Couceiro" todos caímos na tentación de probalas e uhmmmm... que ricas estaban!. Moitos que non se animaban, repetiron e repetiron. Preguntade, preguntade aos vosos Xirasoles.

MAGOSTO - presentacion imagenes

CHEGOU O SAMAÍN!!

Aquí nos tedes, en moi boa compaña: as nosas cabazas!!. Grazas á vosa axuda mamás e papás, hoxe poidemos disfrutar dunha xornada "terrorífica" pero fermosa. Explicamos como axudamos a decorar as nosas cabazas e que tamén nos daba un pouquiño de "grima" sacar a polpa coa culler. Aínda que algún se asustou un pouquiño coas meigas, arañas, morcegos... tamén rimos cos cabazóns con puro, lentes e demais complementos que fixeron os maiores do cole. Védenos nestas fotos e mañá... seguídenos!. Aínda nos queda o magosto!!. 

PREPARANDO O SAMAÍN.

Na nosa clase xa temos preparado o recibimento ao mes de santos. Empezamos co samaín e seguiremos co magosto. Pasámolo moi ben colaborando na decoración do noso corredor. Mirade que "terroríficas" nos quedaron as nosas pantasmas que, unidas aos morcegos e as bruxas dos nosos compis, fan do noso corredor un lugar... de medo!!. 

PREPARANDO O SAMAÍN - foto montaje

LEMBRANDO AOS MÓMAROS.

Como cada setembro "os Pequenos Eumeses" traen ao cole a lembranza máis entrañable das Festas das Peras: os mómaros. Danzan coma eles no patio e na clase, tararean as melodías que os acompañan e aparece algunha foto. Esta tróuxonola Miguel. Porque... para vir ao cole, non hai mellor compaña !.