TINGUIMOS CARABEIS!

Dentro do Proxecto As plantas que estamos a rematar, hoxe tocou experimentar. Cadaquén trouxo o seu carabel branco e reunid@s na alfombra empezamos a... observar esta fermosa flor (recoñecendo as súas partes), preguntarnos de que planta procedería, onde estaría a súa raíz e como poderiamos facer para que cambiase a súa cor. Cada un deu a súa opinión e o certo foi que o que aprendimos servíunos de moito para respostar aos nosos interrogantes. No referente a como conseguiríamos cambiar de cor ao carabel houbo de todo: pintándolle os pétalos cun pincel, metendo a flor en pintura...
Foi nese momento cando a profe presentou o necesario para tal experimento: colorante alimenticio, auga, vasos e tesoiras. Despois de explicar que eran aqueles materiais necesitamos lembrar como se alimenta unha planta e sabendo esto pouco a pouco formulamos as nosas hipóteses de como podiamos cambiar a cor do noso carabel. Levounos un tempiño pero... se nos preguntades, encantados vos explicaremos o proceso.

TINGUIMOS CARABEIS - Kizoa Editar Videos - Movie Maker

Gozamos moitísimo con este experimento e... en dous días xa tiñamos así de tinguidas as nosas flores. Gracias familias pola vosa colaboración!.

 

 

 

 

 

 

 

 

MARCHAMOS COAS NOSAS FABAS!.

Logo de facer a nosa sementeira e ver a evolución das nosas fabas tocounos levalas para a casa. Que contentos estabamos!. O certo é que medraron tanto que o vasiño xa se lles fixo pequeno e agora debemos transplantalas a unha maceta máis grande ou á nosa horta ou xardín. Xa falamos de cómo se facía así que esperamos a axuda da familia para conseguir ver a evolución da nosa planta. 
Aínda lle falta por saír a flor e despois dela o froito. E... abofé que se consegue! porque a profe nos dixo que algún neno á volta do cole en setembro ten traido a ensinar ao cole as novas fabas. Así que... moito ánimo e a ser "verdadeiros agricultores"!. 

PROXECTO "AS PLANTAS".

A clase dos Pandas estamos inmersos no proxecto "As plantas". Comezámolo cunha "representación secreta" na que logo dun par de voltas descubrimos que nos converteramos nunha SEMENTE: 

- Estabamos agochadiños cubertos dun manto marrón.

- O sol quenta e a choiva empeza a mollarnos.

- Pouco a pouco comezamos a espertar.

- Abrimos os nosos brazos sobre a nosa cabeciña.

- Empezamos a erguernos.

- Os brazos estíranse á vez que o noso corpo.

- Unha lixeira brisa abanea o noso corpo pero non consegue desprazarnos, estamos presos ao chan. 

Quen nos agarra forte ao chan?.

Vai ser a observación que facemos da nosa contorna quen nos dará a resposta. Saímos ao xardín do cole e observamos as plantas. Tamén están suxeitas no chan. Algúns sabemos como se chaman as partes dunha planta que vemos a simple vista pero... o nome da parte que suxeita a planta á terra non acaba de xurdir. Que faremos?. Como podemos ver o que hai debaixo da terra?.

- Cavando.

- Sacando unha planta.

Aquí nos tedes:

AS PLANTAS. OBSERVACIÓN. - Kizoa Editar Videos - Movie Maker

Eses "fios" clariños como "peliños" son... a RAÍZ!. Por eles come e se suxeita a planta. 

Retomamos a nosa dramatización e decidimos facer a nosa propia sementeira. 

Aquí nos tedes máns á obra!. Antes claro está investigamos sobre todo o que precisa unha semente para medrar e así converterse en planta: terra, auga, sol e aire. 
Botamos terra ata a metade dun vasiño transparente que tiña un furadiño por se nos pasamos regando para que expulse a auga sobrante, contamos tres fabas e colocámolas encima da terra, cubrimos de terra sen apretar e regamos.

O martes 26 de abril fixemos a nosa sementeira, dous días despois regamos e o luns día 2 de maio xa vimos agromar as nosas primeiras sementes. Chamounos a atención a forza que fan para levantar a terra. Distinguimos o que vai ser a raíz e o talo. Ademais é moi curioso ver como a faba-semente perde a súa casca branca e medra co talo para irse abrindo e dela xurdir as follas polas que respira a planta. 

AS PLANTAS. REGA. - Kizoa Editar Videos - Movie Maker

A día 6 de maio seguimos coidando das nosas plantas e nuns días terémolas na casa. Temos que transplantalas na horta, no xardín ou nunha maceta máis grande.

SÓ ASÍ VEREMOS O REMATE DO PROCESO PORQUE DELAS XURDIRÁ UNHA FLOR E O FROITO DO QUE VOLTARÁ A XURDIR A SEMENTE QUE NOS DARÁ UNHA NOVA PLANTA. É... O CICLO DA VIDA!

(Para explicar esto último aproveitamos a donación de Amoná e a súa familia dunhas plantas de amorodo nas que poidemos observar a flor e o froito). Grazas Amoná.