CLUB DO MANDILÓN... CHEO!

Xa estamos tódol@s Pandas no Club do Mandilón!. Esta semana incorporáronse ICÍA e VÍCTOR. Noraboa para eles e para tod@s por aplicarvos tanto nesta tarefa. 
"O esforzo posto nas pequenas cousas que logramos cada día é o que nos da seguridade e confianza nas nosas posibilidades".
Parabéns Pandas, porque vos ides facendo maiores!.

 

 











Nota: Un día que coincidamos a estar tod@s na clase faremos unha foto para que vexades o guap@s que estamos.

Vede á nosa compi Paula como nos ensina os pasos para poñer o mandi. Sabede que tamén valen para chaquetas, abrigos, chuvasqueiros...
Así que non hai desculpa para que, na casa, os vosos peques non sigan practicando e sentíndose maiores. 
Se non hai unha mesa baixiña onde apoiarnos, enriba da cama ou dunha cadeira tamén nos serve.

Poñémonos de costas e
metemos os brazos polos
buratiños das mangas.

Tendemos o mandi na mesa
vendo a etiqueta e os
buratiños das mangas.

"Dámonos un abrazo a nós
mesmos" (erguemos os
brazos) e xa está listo para
abotoar. 

Abotoamos fixándonos ben
de que cada botón vaia no
seu ollal.

Lista!. A que estou guapa?.

O CLUB DO MANDILÓN.

A primeira cousa que facemos ao chegares ao cole e saudar por suposto e depende un pouco da vergonza que teñamos farémolo antes ou despois. Pero... o hábito de espir a chaqueta e poñer o mandi é algo que xa casi temos aprendido e... en tan pouco tempo!. 

Para animarnos un pouquiño inventámonos "O club do mandilón". Non é doado pertencer a el porque consiste en saber poñer o mandi, abotoalo e desabotoalo sen axuda de ninguén. Algúns xa o conseguiron e por fin locen no mural do club. Ah! e na casa teñen o seu carnet. Os demais están a piques de logralo porque o importante é que teñen moitas gañas e con "gañas de aprender"... todo se consigue.

Estade atentos que imos ir aparecendo to@s.
Aquí están:
MAYRA, ALDARA, SOFÍA E ROI.