Durante este trimestre os Pandas trouxemos á clase moitas das nosas ansias e intereses. Decidimos aproveitalas e así contaxiamos aos nosos compis para aumentar os nosos coñecementos. Aprendemos e coñecemos uns cos outros!.
O Panda Amoná apareceu un día coa bandeira do seu país de orixe, Etiopía. Xa viramos que este país está moi lonxe do noso no mapa e na esfera que temos na clase, pero decidimos buscar un mapa mundi más grande e así poder comprobalo mellor. Amoná amosounos unha tea de cores e algún de nós dixo:
- Es una bandera pero está mal. Tiene que ser roja-amarilla y roja!.
- No está mal!. Es la bandera de Etiopía.
- Ah claro... la roja es la de España.
Miramos moi ben a bandeira: as súas cores, o debuxo central... que é unha estrela con raios! e no ordenador buscamos o seu significado. Vaia... canto pode dicir unha bandeira!.
No medio de tantos descubrimentos Víctor dixo:
- Pues mi mamá es de Venezuela y está aquí.
E sinalou no mapa.
Valentina engadíu:
- Pues yo tengo familia en Colombia.
Marcamos no mapa por suposto.
- Mis abuelos están en Inglaterra. Dixo Reef.
Sinalamos Inglaterra.
- Yo estoy en Pontedeume. Engadíu Pablo.
Atopamos Pontedeume.
Logo duns minutos de conversa visualizamos o conto "Un chocolate muy especial"...
que nos deu pé para coñecernos un pouco mellor e recoñecer que aínda que sexamos diferentes por fora o que realmente importa é o noso corazón. "Por dentro somos iguales"- díxonolo Senai que, xunto con Jinsheng amablemente aceptou a invitación a vires á nosa clase. Eles axudáronnos a comprobar que fisicamente podemos ser diferentes dependendo do lugar de onde veñamos.
- Pues yo no vengo de ningún país. Dixo Sofía.
- Ti eres de aquí, de España.
E aquí estamos... posando para a foto da "interculturalidade".
Moitas grazas Dámaris. Amoná chegou moi orgulloso a casa do seu orixe e tivo a oportunidade de compartila con Senai e os demais compañeiros.
ResponderEliminarEstamos moi agradecidos
BICOS